Tamasha

Dekh khada tu dekh tamasha,
karta tu yeh asha,


Badhti bheed ki koi seema nahi,
Bahuto ka toh bima bhi nahi,


Netao ki jebe bharti nahi,
Chillate raho yeh bhrasta sarkar kuch karti nahi,


Vidhesi bhes ki aadat badi,
Itna ki bacche bole aaj kisse aank ladi,


Angrezo ke shauk rakhe janabo ne,
Mitti mila diya un sab rutbo ko un saalo ne,


Haal toh behal hai is desh ki janta ka,
Par khush hai log sunke joke Santa-Banta ka,


Azaadi ka mazaak bana ke rakha hai,
Bolne se pehle socho woh kiska ladka hai,


IAS ne toh dubki lagayi hai papo ke ghadde me,
Banaya yeh darja mil ke pakka gadho ne,


Paiso ko hatheli me rakhne ka bharosa nahi,
Electronic zamana hai bhai toh jeb katro ne bhi uplapdhiya ki,


Saas bahu ke serials ki toh baat hi nirali hai,
Chudail hi har ghar ghar ki kahaani hai,


Reality shows me chahe jitni ho bakwaas,
Kehte hai bas shabaash shabaash,


Biki hai news paiso se,
Likhi gayi hai khabar jhoot ke ito se,


Par lagi hai janta tamasha dekhne me,
Daal ke haat apni pathi jeb me.




-Kshitij Chitranshi 

I'm reading: Tamasha